ບລໜຊ ສຳເລັດການຝຶກອົບຮົມ ແລະ ຖອດຖອນບົດຮຽນ ກ່ຽວກັບວຽກງານບໍລິຫານໜີ້ຕ້ອງຮັບທວງຍາກ ແລະ ຊັບສິນລໍຖ້າຂາຍ ໃນລະຫວ່າງວັນທີ 12 – 15 ກຸມພາ 2024 ທີ່ປະເທດໄທ
ໃນລະຫວ່າງວັນທີ 12 – 15 ກຸມພາ 2024, ບລໜຊ ນຳພາໂດຍ ທ່ານ ນ. ທິບພະວັນ ຈັນທະຜາສຸກ ຜູ້ອຳນວຍການ ບລໜຊ ພ້ອມດ້ວຍພະແນກກ່ຽວຂ້ອງຂອງ ບລໜຊ, ຕາງໜ້າຈາກກົມປະຕິຮູບລັດວິສາຫະກິດ ແລະ ປະກັນໄພ, ກະຊວງການເງິນ ແລະ ກົມຄຸ້ມຄອງທະນາຄານທຸລະກິດ, ທະນາຄານແຫ່ງ ສປປ ລາວ ເຂົ້າຮ່ວມຝຶກອົບຮົມ ແລະ ຖອດຖອນບົດຮຽນ ຮ່ວມກັບ 03 ທະນາຄານທຸລະກິດຂອງໄທ ຄື: ທະນາຄານກຸງເທບ ສຳນັກງານໃຫຍ່, ທະນາຄານກຸງສີອະຍຸດທະຍາ ສຳນັກງານໃຫຍ່ ແລະ ທະນາຄານກະສິກອນໄທ ສຳນັກງານໃຫຍ່.
ຜ່ານການໄປຝຶກອົບຮົມແລະຖອດຖອນບົດຮຽນກັບ 03 ທະນາຄານ, ຄະນະທີ່ເຂົ້າຮ່ວມ ແມ່ນໄດ້ຮັບບົດຮຽນ ແລະ ໄດ້ຮັບການແບ່ງປັນປະສົບການ ໃນການບໍລິຫານຈັດການໜີ້ດ້ອຍຄຸນນະພາບ, ການປັບປຸງໂຄງສ້ງໜີ້, ການບໍລິຫານຈັດການຊັບສິນລໍຖ້າຂາຍ ແລະ ລະບຽບການຕ່າງໆຫຼາຍຢ່າງ ເຊິ່ງເຫັນວ່າເປັນບົດຮຽນທີ່ມີປະໂຫຍດຢ່າງຫຼວງຫຼາຍ ແລະ ສາມາດນຳມາໝູນໃຊ້ເຂົ້າໃນການເຄື່ອນໄຫວວຽກງານຂອງ ບລໜຊ ໄດ້ໃນອານາຄົດ.
ຂ່າວ-ພາບ:
ທ່ານ ນາງ ມາລີນ້າ ພູນສະຫວັດ
ທ່ານ ນາງ ແມັກຊີ ໂຄດປັນຍາ
ທ່ານ ນາງ ອິກ ຄຳມະນີໂຄດ
